Galería Desordenada

Amamos a natureza, e daquela, tentamos preservala.

Galería Desordenada, é unha rebeldía fronte a invasión dos produtos do capital e as súas ferramentas máis agresivas como a intelixencia artificial, os excesos da produción en serie, o apagado cromático e a acumulación de lixo.

Galería como espazo cultural, Desordenada como a Natureza.

Este proxecto reproduce paisaxes mariñas en madeira, empregando materiais que chegan por azar e forxan a creatividade: crebas, tecidos, madeiras, vidros, pedras, refugallos…

Mediante a Bixutería con diferentes técnicas de tecido con contas de vidro, devolvemos a cor ás paisaxes e recreamos os seus elementos.

Todas as pezas están feitas a man e son únicas.